بدايه الحلم......ياهل ترى هتيجى تانى ولا لا؟

اول امبارح قبل مانام
دخلت فى جو من الاحلام
حوار مع نفسى من غير كلام
عتاب مع قلبى من غير ملام
كلام قولت يمكن يحط حد للالام
واعيش من غير مااتالم ولااسمع ملام

******
وفجاءه لقتنى سارح....معرفش بكره من امبارح
وعمال احلم فى حلم بعيد
بحلم امتى هيكون لقلبى فى يوم عيد
وياهل ترى قلبى بالحب هيبقى سعيد
واتمنيت من ربى ..يارب تقرب البعيد
واتمنيت قلبى يحس احساس سعيد
نفسى احس انى عايش .... احس الحب من جديد
وسئلت نفسى ليه روحت لبعيد
************
ليه من تانى جوايا اشتياق للحب كبير
وانا اللى جراللى من قسوه حبايك كتير
اخيرا ياقلبى فكرت فى التغير
بس من امتى ياقلبى ارتحنا من التفكير
******
وفجأه سرحت تانى
وسئلت نفسى لاقى هفضل اعانى
وليه؟؟ ..ليه فكرت فى الحب تانى
وسمعت صوت حواليا بينادينى
صوت من نفسى خدنى
صوت للثوره قادنى
صوت من عالم الاحزان شدنى
صحى جوايا الحلم اللى هزنى
اتكلم وقال ..قال احلى كلام
كلام ممكن يصحى جوايا الامال
سكت وقولت اسمع الكلام
****
وليقته بيقولى.....
بقى عايز تبعد عنى
ومن اللى فات خايف تقرب منى
وطب وايه انا زنبى....؟؟؟!!!
من غدر الحب للى كان قبلى
متبعدش وخليك هنا حمبى
******
وانا فضلت اتلفت حواليا
معرفش ايه اللى جرا ليا
صوت مين اللى كلمنى
وليه وعايز ايه منى
وسكت ليه تانى
ده شكله ناوى يجننى
سابنى للحيره ولا بيلاعبنى
*********
ورجع الصوت تانى
قالى مشتقلك من زمان
وياك اعيش الحب والامان
ومحدش غيرك خد فى قلبى مكان
وفجاءه رجع الصوت يسكت تانى
ساعتها تاهت عينى فى النوم
وبسرعه ليقت نسفى فى تانى يوم
******************
************
********
***
*
.........وفى اليوم التانى
صحيت وكأنى لسه نايم
صحيت وخيالى لسه هايم
ولقتنى فى بحر الحلم عايم

وفضلت طول اليوم بفكر
اللى حصللى كان حلم والا اكتر

وكنت طول اليوم عقلى شارد
حتى جسمى كان متلج وبارد

استغربنى كل اللى شافونى
اصل كان باين فى عيونى
خوف..وقلق..وحيره..ومشاعر متناقضه بيحوطونى..
وكنت خايف لو سألونى
فى ايه مالك؟؟....ايه اللى جراللك؟؟
ايه اللى غير احوالك؟؟
فى ايه اللى شاغل بالك...؟؟؟

كنت خايف احكى على اللى حصل امبارح
ليستغربوا ويفتكرونى بخيالى بيهم سارح
هربت من قدام عيونهم .....وداريت بايدى الملامح
واستنيت الوقت يعدى ..روحت بخيالى سارح
وبسرعه الليل دخل عليا
بعد يوم غريب عليا
كان نفسى اعرف ....انا .. ايه اللى جرى ليا ؟؟
مليون سؤال وسؤال جوايا
ونفسى اعرف للحيره نهايه...قبل ماتخلص عليا
توهت
سرحت
جريت
دخلت على سريرى
سمعت نفس الصوت من تانى بينادينى
التفت له بكل اهتمام
واتمنيت ميكونش وهم من الاوهام
ولاحلم يعدى والسلام
قلت ده يمكن امل وجانى
هيغير ويحلى زمانى
امل حسيت فيه بطوق نجاه
امل تانى انى ارجع للحياه
وليقت الصوت تانى بينادينى
والمره دى شوفت صوره بنت قدام عينى
كنت اول مره اشوفها
لكن حسيت انى من زمان اعرفها
وكأنى طول عمرى بشوفها
زى ملاك جميل ربانى
سحرنى ولااخر الدنيا ودانى
ولقتنى تايه وانا وافق مكانى
مشغول مش مرتاح وبعانى
كان نفسى اجرى واخدها فأحضانى
لكن سابتنى وملقتهاش فثوانى
سابتنى بفكر هشوفها امتى تانى
ومن ساعتها طار النوم من عيونى
وفضلت طول الليل مش قادر اغمض جفونى

ياهل ترى الحلم ده ممكن يبقى حقيقى ؟؟؟؟؟

[list][*]